يا زماني
ما وفيت ولا اكتفيت
كم تبعتك
كم جرعتك
كم سكر قلبي مع حزنك
واوهامك مع اوجاعك
زماني
وليه ما تعطف
على قلب ٍ ضعف نبضه
وصار اقرب على شرفة نهاية
الى المجهول
وانا اكتب
الى المجهول
الين اقول

عجزت ابـوح


وكيف اتريدها تبقى بجسمي للزمان الـروح؟"
"وانا اطعن طهارة صدرها و الذنب هو نابـي
وكيف اتريدني ابقى على تنهيدة المجـروح؟"
"اداوي علته وآنـا علـى تغريبتـي رابـي؟
انادي للزمن يقبل وكل مـانـده يقلـي روح"
"الينه صار يحرق بالتعاكس باقـي اعصابـي
اشوف الهم بأيامي وحزني للزمـان ايلـوح"
"الا ياحزني الهالـك تحمـل منـي اعتابـي
تحملتك وانا من ضيقة ايامي عجزت ابـوح"
"تبعتك لين ما ثار التشـاؤم وانكسـر بابـي
تساوينا انا وبعض الشعور بماضي ٍ مطروح"
"رضينا بلألم بس الألم ما عـاد يرضـا بـي
بنيت آمال و آمالي خذلها الواقـع الملمـوح"
"اسرها الياس واحسه تعبت يستوطن احبابـي
احس اني تنفست التعب في عصره المكدوح"
"وصرت اغيب وانفاس التعب تتحسس اغيابي
امل صرنا نعيشه والعمر فوق الجراح ينـوح"
"يموت ويندفن دمعه وانا احفـر لـه اترابـي
اضمه داخلي واشهق الين الروح تصبح روح"
"تهاجر هالجسد وابقى حروف بداخل كتابـي

محمد آل مبارك